Sri Sobhakritu Nama Samvatsaram (2023-2024): శ్రీ శోభకృత్ నామ సంవత్సరం 2023-2024 మకర రాశి ఫలితాలు
మకర రాశిఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు
ఆదాయం : 11 వ్యయం : 5 రాజ్యపూజ్యం : 2 అవమానం : 6
శ్రీ శోభకృత్ నామసంవత్సరంలో మకర రాశివారికి బాగానే ఉంది. గురుడు, రాహువు బలీయంగా ఉన్నందున.. ముఖ్యంగా సంపత్తుకి కారకుడైన గురుబలం బావున్నందున ఆదాయానికి లోటుంటదు. గౌరవ మర్యాదలు పొందుతారు. ఏలినాటి శని ఉన్నప్పటికీ దాని ప్రభావం అంతగా ఉండదు. రాహువు ప్రభావం, ఏలినాటి శని ప్రభావం ఉన్నందున కొన్ని సూతకాలు తప్పవు..ఆప్తబంధువులు మరణం మిమ్మల్ని బాధిస్తుంది. 2023 ఉగాది నుంచి 2024 ఉగాది వరకూ మకర రాశివారికి ఎలాఉందంటే..
- ఈ ఏడాది గురుబలం వల్ల సాంఘికంగా, ఆర్థికంగా లాభపడతారు
- పుణ్యక్షేత్రాలు సందర్శిస్తారు, బంధువుల్లో మీ పేరు ప్రఖ్యాతులు పెరుగుతాయి
- స్థిరాస్తిని వృద్ధి చేస్తారు, ఇంట్లో శుభకార్యాలు నిర్వహిస్తారు
- దూరప్రాంత ప్రయాణాలు చేస్తారు
- శత్రువుల సంఖ్య తగ్గుతుంది కానీ వివాదాలకు దూరంగా ఉండడం మంచిది
- కోర్టు వ్యవహారాల్లో చిక్కుకున్న వారు విజయం సాధిస్తారు
- దీర్ఘకాలిక వ్యాధులతో బాధపడుతున్నవారికి ఉపశమనం లభిస్తుంది
- నూతన వాహనం కొనుగోలు చేస్తారు
- ఈ రాశి అవివాహితులకు పెళ్లిజరుగుతుంది
Also Read: animals news
ఉద్యోగులకు
శ్రీ శోభకృత్ నామ సంవత్సరంలో మకర రాశి ఉద్యోగులకు అనుకూల సమయం. శ్రమకు తగిన గుర్తింపు, కష్టానికి తగిన ఫలితం లభిస్తుంది. ఆర్థిక పరిస్థితి బావుంటుంది. ఎలినాటి శని ఉన్నప్పటికీ దాని ప్రభావం తక్కువగా ఉండడం వల్ల అధికారులనుంచి వేధింపులు ఉండవు. ప్రమోషన్ తో కూడిన బదిలీలు ఉంటాయి. వాహనం కొనుగోలు చేస్తారు. ప్రభుత్వ ఉద్యోగులకు స్థానచలనం తప్పదు. ప్రైవేట్ ఉద్యోగులు ఉద్యోగం మారాలి అనుకంటే మంచి సమయం
విద్యార్థులకు
ఈ రాశి విద్యార్థులకు గురుబలం బావుండడం వల్ల జ్ఞాపకశక్తి పెరుగుతుంది. ఇతర విషయాలపై ఆసక్తి తగ్గించుకుని చదువుపై శ్రద్ధ పెడతారు. పోటీ పరీక్షలలో మంచి మార్కులు సాధిస్తారు. ఎంట్రన్స్ పరీక్షలు రాసేవారు మంచి ర్యాంకులు సాధిస్తారు
క్రీడాకారులకు కూడా శ్రీ శోభకృత్ నామ సంవత్సరం బావుంటుంది
వ్యాపారులకు
శోభకృత్ నామసంవత్సరంలో వ్యాపారులకు ఆశించిన లాభాలొస్తాయి. హోల్ సేల్, రీటైల్ రంగంలో ఉన్నవారి ఆదాయం బావుంటుంది. సరుకులు నిల్వచేసే వ్యాపారులు ధరలు పెరగడంతో అనుకున్నదానికన్నా ఎక్కువ లాభాలొస్తాయి. షేర్ మార్కెట్లో పెట్టుబడి పెట్టేవారికి కలిసొస్తుంది. రియల్ ఎస్టేట్ వ్యాపారులు బాగా వెనకేస్తారు
Also Read: moral stories
కళారంగం వారికి
కళారంగంలో ఉన్నవారికి ఈ ఏడాది మంచి అవకాశాలు లభిస్తాయి. ఆర్థికంగా నిలదొక్కుకుంటారు. అవార్డులు , రివార్డులు పొందుతారు.
రాజకీయ నాయకులకు
మకర రాశి రాజకీయనాయకులకు శ్రీ శోభకృత్ నామ సంవత్సరం బాగా కలిసొస్తుంది. గతేడాదికన్నా అన్నీ అనుకూల ఫలితాలే ఉన్నాయి. ప్రజల్లో ఫాలోయింగ్ పెరుగుతుంది..అధిష్టానం నుంచి గుర్తింపు లభిస్తుంది. శత్రువులు కూడా మీకు సహాయపడతారు
వ్యవసాయదారులు
ఈ రాశి వ్యవసాయదారులకు ఈ ఏడాది కష్టానికి తగిన ఫలితం లభిస్తుంది. రెండు పంటలు లాభిస్తాయి. అనుకున్నదానికన్నా ఎక్కువ ఆదాయం లభిస్తుంది. వాణిజ్య పంటలు, ప్రౌల్ట్రీ రంగంలో ఉన్నవారికి అనుకూల సమయం...
This blog dedicate to all telugu members
Credit : N.Harinath
Place : Bellampalli
from news https://latesttelugunew.in
