Vodafone Idea: నష్టాల్లో వొడాఫోన్‌ ఐడియా - అదే జరిగితే, ఇక ఆ ‘సర్వీస్‌’ క్లోజ్ ?

<p>వొడాఫోన్, ఐడియా సంయుక్తంగా ఏర్పడిన టెలికాం కంపెనీ వీఐ మూసివేత దిశగా అడుగులు వేస్తున్నట్టుగా తెలుస్తోంది. ప్రస్తుతం ఆ సంస్థ కష్ట కాలాన్ని ఎదుర్కొంటోందని బ్రోకరేజీ సంస్థ కోటక్&zwnj; ఇనిస్టిట్యూషనల్&zwnj; ఈక్విటీస్&zwnj; ఈ విషయాన్ని వెల్లడించింది. ఇతర టెలికాం సంస్థల నుంచి పోటీ తట్టుకోలేకనే ఈ పరిస్థితి నెలకొందంటున్నారు. మరోవైపు దేశీయ టెలికం సంస్థలైన జియో (Jio), ఎయిర్&zwnj; టెల్&zwnj; (Airtel)లు తమ నెట్&zwnj; వర్కులతో యూజర్లను ఆకర్షిస్తుండగా, వీఐ మాత్రం పూర్తిగా చతికిలపడిందంటున్నారు. ప్రస్తుత పోటీ సమయంలో ఎన్నికల తర్వాతే టెలికం సంస్థలు రేట్లు పెంచే అవకాశం ఉందనే వార్త.. వీఐను మరింత ఇబ్బందుల్లోకి నెట్టింది.&nbsp;</p> <p><strong>5జీ సేవలు లేక..</strong><br />మరోవైపు జియో, ఎయిర్&zwnj; టెల్&zwnj;లు 5జీ సేవలను విస్తరింపజేశాయి. అలాగే ఆ రెండు కంపెనీలు 5జీ సేవలు ప్రారంభించినా, వాటి ధరల పెంపుపై మాత్రం &nbsp;ఎటువంటి సూచనలు ఇవ్వలేదు. ఇక వీఐ మాత్రం ఇంకా ఆ సేవల జోలికే పోలేదు. ప్రస్తుతం ఆ నెట్&zwnj; వర్క్&zwnj; పరిస్థితి ముందు నుయ్యి.. వెనుక గొయ్యిలా ఉంది. ఇతర నెట్&zwnj;వర్క్&zwnj;లతో పోటీ పడలేక, రేట్లు పెంచే పరిస్థితి లేక తీవ్రంగా యాజమాన్యం సతమతమవుతోంది.&nbsp;</p> <p>అయితే, 2024 సార్వత్రిక ఎన్నికలు పూర్తయ్యాకే రేట్ల పెంపు ఉంటుందని కోటక్&zwnj; అభిప్రాయపడింది. ప్రస్తుత పరిస్థితుల్లో ధరలు పెంచకపోతే వీఐ నెట్&zwnj; వర్క్&zwnj;కు పెట్టుబడులు సమకూర్చుకోవడం, 5జీ సేవలు (VI 5G Services) ప్రారంభించడం కష్టతరమవుతుందని కోటక్&zwnj; తెలిపింది. రాబోయే 12 నెలల్లో వొడాఫోన్&zwnj; రూ.5,500 కోట్ల మేర నిధుల లోటు ఎదుర్కొనే అవకాశం ఉందని, రేట్ల పెంపు, నిధుల సమీకరణ ఆలస్యమైతే సంస్థ మూసివేతకు దారితీయొచ్చని హెచ్చరించింది. మరోవైపు వీఐ పతనానికి ద్రవ్యోల్బణం సైతం ఆర్బీఐ నిర్దేశించుకున్న లక్ష్యానికి ఎగువన ఉండడం మరో కారణమని తెలిపింది. &nbsp;ఈ పరిస్థితుల్లో సబ్ స్క్రైబర్స్ సంఖ్య మరింత క్షీణించి.. నిధుల సమీకరణ ప్రణాళికలపై ప్రభావం పడుతుందని పేర్కొంది. రేట్ల పెంపు ఆలస్యం చేయడం వల్ల వొడాఫోన్&zwnj; ఐడియా మనుగడ ప్రశ్నార్థకమవుతుందని అభిప్రాయపడింది.</p> <p>జాతీయ మీడియా నివేదిక ప్రకారం... డిపార్ట్&zwnj;మెంట్ ఆఫ్ టెలికమ్యూనికేషన్స్ (DoT) ఇప్పుడు వొడాఫోన్ ఐడియా మీద దృష్టి పెట్టింది. కంపెనీ స్థితిగతుల్ని అంచనా వేయడానికి ఆర్థిక లెక్కలు &amp; కార్యకలాపాలను పరిశీలిస్తోంది. ఈ పరిశీలనల ఆధారంగా, ఈ టెల్కో పరిస్థితి మీద కేంద్ర ప్రభుత్వం ఒక అంచనాకు వస్తుంది.&nbsp;రాయిటర్స్ నివేదిక ప్రకారం... కనీసం రూ. 7,000 కోట్ల (846 మిలియన్&zwnj; డాలర్లు) అత్యవసర అప్పు కోసం వొడాఫోన్ ఐడియా తాజాగా ప్రయత్నాలు చేస్తోంది. అయితే, కొత్త అప్పులు ఇవ్వడానికి బ్యాంకులు ఇష్టపడడం లేదు.</p> <p>ఇండస్&zwnj; టవర్స్&zwnj;కు (Indus Towers) వొడాఫోన్&zwnj; ఐడియా రూ. 7,500 కోట్ల రూపాయలు బకాయి ఉంది. ఈ కంపెనీకి చెందిన టవర్స్&zwnj;ను వినియోగించున్నందుకు ఈ బకాయిలు చెల్లించాల్సి ఉంది. ఇప్పుడు బ్యాంకుల నుంచి తీసుకునే రుణాల్లో ఎక్కువ భాగాన్ని, ఇండస్ టవర్స్&zwnj;కు ఉన్న బకాయిల్లో కొంత మొత్తాన్ని భర్తీ చేయడానికి వొడాఫోన్&zwnj; ఉపయోగిస్తుంది.&nbsp;</p> <p>2023 జనవరి నుంచి విడతల వారీగా 100 శాతం బకాయిలు చెల్లిస్తామని ఈ టెలికాం కంపెనీ, టవర్ కంపెనీకి మాట ఇచ్చింది. మాట నిలబెట్టుకోలేక బకాయిలను క్లియర్ చేయడంలో టెలికాం కంపెనీ విఫలమైతే, టవర్ సైట్&zwnj;లకు యాక్సెస్&zwnj;ను కోల్పోవాల్సి వస్తుందని వొడాఫోన్&zwnj; ఐడియాను ఇండస్ టవర్స్ గతంలోనే హెచ్చరించింది.</p>

from news https://ift.tt/lDWtQqd