Anil Ambani House: అనిల్ అంబానీ ఇంటి విలువ తెలిస్తే మీ గుండె ఒక్క క్షణం ఆగుతుంది!

<p><strong>Anil Ambani House:</strong> దీరూభాయ్&zwnj; అంబానీ కుటుంబంలోని ఒక విచిత్రాన్ని మీరు గమనించే ఉంటారు. ఆయన పెద్ద కుమారుడు ముకేష్&zwnj; దీరుభాయ్&zwnj; అంబానీ (Mukesh Dhirubhai Ambani) ఆసియాలోనే అత్యంత ధనవంతుడు, చిన్న కుమారుడు అనిల్&zwnj; దీరూభాయ్&zwnj; అంబానీ (Anil Dhirubhai Ambani -ADA) అప్పుల్లో ఉన్నారు. ముకేష్&zwnj; అంబానీకి చెందిన రిలయన్స్&zwnj; ఇండస్ట్రీస్&zwnj; మన దేశంలోనే ఎక్కువ మార్కెట్&zwnj; విలువ ఉన్న కంపెనీ కాగా, అనిల్&zwnj; అంబానీకి చెందిన కొన్ని కంపెనీలు అప్పుల్లో &amp; కోర్ట్&zwnj; కేసుల్లో ఉన్నాయి. ప్రస్తుతం, రిలయన్స్ క్యాపిటల్ రెండో దఫా వేలం ప్రక్రియ కొనసాగుతోంది.</p> <p>ఈ విషయాలు చదివాక, అనిల్&zwnj; అంబానీ దీనస్థితిలో ఉన్నాడని మాత్రం భావించొద్దు. ఒక కుబేరుడు ఎప్పుటికీ కుబేరుడిగానే జీవిస్తాడు. రిలయన్స్&zwnj; ఏడీఏ గ్రూప్&zwnj; (Reliance ADA Group) ఛైర్మన్&zwnj; అనిల్&zwnj; దీరూభాయ్&zwnj; అంబానీ. భారతదేశంలోని అతి పెద్ద పారిశ్రామికవేత్తల్లో ఒకరు.</p> <p>నటి టీనా అంబానీని అనిల్ అంబానీ వివాహం చేసుకున్నారు. ఆయనకు ఇద్దరు పిల్లలు జై అన్మోల్ అంబానీ, జై అన్సుల్ అంబానీ. కోడలు పేరు క్రిషా షా. తన కుటుంబంతో కలిసి ముంబైలోని పాలి హిల్&zwnj;లో (Pali Hill) నివసిస్తున్నారు. తల్లి కోకిలా బెన్&zwnj; కూడా అనిల్&zwnj; అంబానీ ఇంట్లోనే ఉంటారు.&nbsp;</p> <p><span style="color: #e67e23;"><strong>అనిల్&zwnj; అంబానీ ఇంటి పేరు, విలాసాలు</strong></span><br />ముకేష్ అంబానీ తరహాలోనే అనిల్ అంబానీ కూడా విలాసవంతమైన అతి భారీ భవనంలో నివసిస్తున్నారు. అనిల్ అంబానీ ఇంటి పేరు అడోబ్ (Abode). దీనిని బయట నుంచి చూసినా, లోపలికి వెళ్లి చూసినా అత్యంత రాజ ప్రాసాదాన్ని తలపిస్తుంది.</p> <p>అనిల్ అంబానీ నివసిస్తున్న భవనంలో మొత్తం 17 అంతస్తులు ఉన్నాయి. ఆ ఇంటి నుంచి చూస్తే అరేబియా సముద్రం అద్భుతంగా కనిపిస్తుందట.</p> <p>ఇంటిపైన హెలిప్యాడ్ నుంచి ఇంటి లోపల స్విమ్మింగ్ పూల్, జిమ్, హోమ్&zwnj; థియేటర్&zwnj; వరకు అన్ని రకాల విలాసవంతమైన సౌకర్యాలు అనిల్&zwnj; అంబానీ ఇంట్లో ఉన్నాయి. ఆ భవనం 16,000 చదరపు అడుగుల విస్తీర్ణంలో ఉంది.</p> <p>అనిల్ అంబానీ ఇంట్లోని సోఫాలు, మంచాలు వంటి వాటిని విదేశాల నుంచి వచ్చిన కళాకారులు సిద్ధం చేశారు. సాధారణంగా, కాస్త డబ్బున్న వాళ్లు ఒక మంచి ఇల్లు కట్టుకోవడానికి, లేదా అపార్ట్&zwnj;మెంట్స్&zwnj; వంటి నిర్మాణాలకు ఇంజినీర్ల సాయం తీసుకుంటారు. అనిల్&zwnj; అంబానీ హోదాయే వేరు కాబట్టి, తన ఇంట్లోని మంచాలు, సోఫాల రూపకల్పనకు కూడా ఇంజినీర్లను నియమించారు. పైగా, వాళ్లను ఇతర దేశాల నుంచి రప్పించారు. ఇందుకోసం కోట్ల రూపాయలను మంచినీళ్ల ప్రాయంలా ఖర్చు చేశారు.&nbsp;</p> <p>అంబానీ కార్ కలెక్షన్&zwnj;లను ప్రదర్శించే లాంజ్ ఏరియా కూడా ఈ ఇంట్లో ఉంది. మీడియా నివేదికల ప్రకారం, అనిల్ అంబానీకి రోల్స్ రాయిస్, లెక్సస్ XUV, పోర్షే, ఆడి Q7, మెర్సిడెస్ GLK350 సహా చాలా లగ్జరీ కార్లు ఉన్నాయి.</p> <p><span style="color: #e67e23;"><strong>అనిల్ అంబానీ ఇంటి ఖరీదు</strong></span><br />అనిల్ అంబానీ విలాసవంతమైన ఇంటి ఖరీదు రూ. 5000 కోట్లు, ఇది ముంబైలో మూడో అత్యంత ఖరీదైన ఇల్లు.</p> <p>అనిల్&zwnj; అంబానీ ఇంటి ఎత్తు సుమారు 66 మీటర్లు. ఈ ఇంటిని 150 మీటర్లకు పెంచాలని భావించారు, కానీ ముంబై అధికారుల నుంచి అనుమతి పొందలేకపోయారు.</p> <p>అనిల్&zwnj; అంబానీ, వ్యక్తిగత ఆరోగ్యానికి అత్యంత ప్రాధాన్యత ఇస్తారు. ప్రతిరోజూ జిమ్&zwnj;లో కష్టపడతారు, ఎప్పడూ ఫిట్&zwnj;గా కనిపిస్తారు, మారథాన్&zwnj;లలో తరచూ పాల్గొంటారు. కొంతకాలం పాటు రాజ్యసభ సభ్యుడిగా కూడా పని చేశారు. ఒకప్పుడు, ఫోర్బ్స్ జాబితాలో ప్రపంచంలోనే ఆరో సంపన్నుడిగా ఉన్నారు.&nbsp;</p>

from news https://ift.tt/iaeQCc5